Қабанбай батыр 1741 ж. Шыңғыстаудағы Шаған шайқасында ақбоз атпен топ жарып, жауға шапқаны үшін Дарабоз атанды.
1751 ж. ол Сыр бойы, Шымкент, Сайрам, Ташкент қалаларын жоңғарлардан тазартып, Төле бидің билікке келуіне көмектесті.
Жоңғарияға айдалып бара жатқан бірнеше мың қарақалпақты құтқарып қалады. Қазақ жері басқыншылардан азат болғаннан кейін Қабанбай батыр 1756 жылы жоңғар билеушісі Әмірсананы қуып келген 300 мың қытай әскері Қазақ жеріне басып кірген сәті болатын.
Мұны естіген Абылай хан дереу әскер басын жинастырады. Әскерлер соғыс алаңына орныққан соң, Қабанбай батыр он есе көп жау әскеріне қарап тұрып ойға шомып кетіпті.
Қасындағы нөкерлері: "Қабеке, нені ойлап тұрсыз ? " - деп сұрапты, түсінбей.
Сонда қаһары қатты Қабанбай: "Мұнша адамды қай жерге көмеміз, соны ойлап тұрмын" деген екен. Жүрек жұтқан батыр деген мүмкін осы шығар.
