Сайрам ауданы әкімі жұмыс барысымен танысты

Сайрам ауданы әкімі Ұласбек Сәдібеков Ақсукент орталығындағы "Мәртөбе" алаңын қайта құру құрылыс жұмыстарының барысымен танысты. Бұл туралы Newsroom+ақпарат агенттігі Сайрам ауданы әкімінің баспасөз қызметіне сілтеме жасап хабарлайды. Мердігер мекеме - "Ақ Ордасы" корпорациясы бүгінге дейінгі атқарылған жұмыстарды баяндады. Қазіргі таңда құрылысшылар субұрқақ, аяқжол, жазғы сахналық алаңша, балалар ойын алаңшасы, воркаут алаңшаларының іргетасын қалап, автоматтандырылған суғару жүйелерін жүргізуді қолға алған.