Алматы коронавирус жұқтыру қаупінің "сары" аймағына кірді. Бұл туралы қала әкімі Бақытжан Сағынтаев Instagram-да жазды, - деп хабарлайды Newsroom+ақпарат агенттігі.
"Құрметті алматылықтар. Биылғы 2020 жыл біз үшін үлкен сабақ болды. Ең бастысы - босаңсымау. Пандемия басылған жоқ. Бүкіл әлемдегі жағдай да ушығып тұр. Алматы жұқтыру қаупінің "сары" аймағына енді. Баршаңызды санитарлық ережелерді қатаң сақтауға шақырамын. Жағдай күрделенсе, режимді күшейтеміз", - деді әкім.