Grammy сыйлығына ұсынылған қазақстандық диджей Иманбек Зейкенов «Вечерний Ургант» бағдарламасына сұхбат беріп, әлемдік премияны жеңетініне сөзсіз сенетінін айтты. Бұл туралы newsroom+ақпарат агенттігі Азаттық рухына сілтеме жасап хабарлайды.
Еске сала кетейік, 25 қарашада Roses атты әнге (SAINt JHN) ремикс жасап әлемге танылған қазақстандық диджей Иманбек Зейкенов Grammy сыйлығына ұсынылды. Номинанттардың тізімі әлемдік премияның ресми сайтында жарияланды.
Айта кетейік, Иманбек – Grammy сыйлығына үміткер болған алғашқы қазақстандық. Оның ремиксі YouTube желісінде 117 миллион рет қаралған, 20 аптадан аса уақыт бойы Billboard Hot 100 чартында үздік 10-дықта тұрды. Иманбек 2019 жылдың желтоқсан айына дейін теміржол станциясында жұмыс істеген. Алайда, оның Roses әніне жасаған ремиксі тағдырын мүлдем басқа арнаға бұрды.
Еске сала кетейік, шілдеде The New York Times басылымында Иманбек Зейкеновтің сұхбаты шығып, ол ата-анасымен бірге Павлодар облысына қарасты Ақсу қаласында тұратынын айтты. Иманбектің әкесі – өрт сөндіруші, анасы туристік агенттікте жұмыс істейді.
https://www.youtube.com/watch?v=Hcy9TWzfqu0&feature=emb_title
Сондай-ақ жақында қазақстандық музыкант атақты америкалық әнші, биші, актер, R&B бағытындағы табысты артист Usher және Marshmello деген лақап атпен танымал диджеймен бірлесіп Too much атты ән жазды.
Ургант Grammy сыйлығына ұсынылған қазақстандық музыкант Иманбекпен сұхбаттасты
Ургант Grammy сыйлығына ұсынылған қазақстандық музыкант Иманбекпен сұхбаттасты