Еңбекші ауданында карантин талабын бұзған қоғамдық тамақтану орны анықталды

Еңбекші ауданы бойынша мобильдік топ аудан аумағындағы қоғамдық тамақтану орындарына кезекті бақылау іс-шарасын ұйымдастырды.  Нәтижесінде қоғамдық тамақтану орнында карантин талабын бұзу жағдайы, яғни отбасылық іс-шара өтіп жатқаны анықталды. Кәсіпкерлік нысан басшысы әкімшілік жауапкершілікке тартылды. Ауданда жергілікті полиция қызметі, тауарлар мен қызметтердің сапасы мен қауіпсіздігін бақылау бөлімі, аудан әкімдігінің мамандарынан құралған 4 мониторингтік топ жұмыс істейді. Аудан әкімдігі қала тұрғындарына өзінің және өзгелердің  денсаулығына немқұрайлы қарамауға, отбасылық іс-шараларды өткізбеуге және барлық санитарлық-эпидемиялық талаптарды сақтауға шақырады.