Түркіменстанда 5-наурыздан бастап коронавирустың таралуына қарсы қабылданған шешімнің бірі ретінде, қылмыскерлерге жақындарымен көрісуге тыйым салынған болатын. Соның салдарынан жазасын өтеушілер жарты жыл бойы жақындарынан тамақ алу мүмкіндігінен айырылған деп жазады Turkmen news.
Байрамали қаласындағы MR-K/16 абақтысының күзетшілері бұл жағдайды өздеріне тиімді пайдаланып, жазасын өтеушілерге тамақ сатып келген. Күзетшілер ақысын төлесе дүкенге барып, керек тамағын әкеліп беріп отырған. Бұған дейін Ұлыбритания ақпарат құралдары «Түркіменстан абақтысында тамақ тегін беріледі, алайда оның сапасы өте нашар» деп жазған еді.
Асхат ҚАСЕНҒАЛИ