Көліктің ішіне түйе кірген: сұмдық жол апатынан әйел адам қайтыс болды

Маңғыстау облысында қайғылы оқиға орын алды. Жеңіл көлік түйеге соғылып, жүргізушінің әйелі қайтыс болды, деп хабарлайды Newsroom+Ақпарат агенттігі облыстық полиция департаментіне сілтеме жасап. Ресми мәліметке сәйкес, жол апаты 11 қарашада болған. Мercedes-benz көлігінің жүргізушісі жолға шығып кеткен түйені байқамай қалған. Содан автомобиль қатты жылдамдықпен жануарға соғылды.

"Жол апаты, шамамен, кешкі сағат 19:15-те Ақтау-Құрық тас жолында болған. Жолаушы әйел оқиға орнында көз жұмды. Ал жарақат алған көлік жүргізушісін Маңғыстау облыстық ауруханасына жеткізді. Осы оқиға Мұнайлы аудандық полиция бөлімшесіне тіркелді", - дейді полицейлер.