Жаңалықтар

Шыңғыс Мұқан парасыз жұмысқа тұруға болатын веб-сайтты ұсынды

NewsRoom

Шыңғыс Мұқан парасыз жұмысқа тұруға болатын веб-сайтты ұсынды

width=

Шымкент қаласының әкім орынбасары Шыңғыс Мұқан күні кеше Шымкентте мектепке енді кез келген қызметкер парасыз орналасады, "жемқорлыққа жол жоқ" деп пост жазған еді, бүгін соған сенбейтіндерге жауап ретінде арнайы қосылған веб-сайт туралы ақпаратты ұсынып отыр, деп хабарлайды Nesroom+ақпарат агенттігі әкім орынбасарының парақшасына сілтеме жасап. 

Шымкенттің мектептеріне парасыз жұмысқа тұруға болатынына сенбейтіндер мен мұғалімдік жұмыс іздеп жүргендердің назарына hr-process.kz веб-сайтын ұсынамын.

Шымкенттің мемлекеттік білім беру ұйымдарындағы бос орындар осы сайтқа жарияланады.

Күні бүгін 47 бос орын тұр. Мәселен, #23 мектепке тарихшы, #115 мектепке ағылшын тілінің мұғалімі, #129 мектепке дефектолог, #57 мектепке математик керек. Осылай кете береді.
width=
Дегенмен, педагог дипломыңыз болса болды жұмысқа алады екен деп ойлап қалмаңыз. Талап жоғары. Сауатты мамандар ғана мұғалім деген мәртебе алып, болашағымыздың кірпішін қалау мүмкіндігіне ие болмақ.
Егер жұмысқа тұру үшін пара талап етсе немесе заңсыз ақша жинаса, тіке Антикор орталығына хабарласыңыз - 1424 немесе аяқтай мына мекенжайға барыңыз. Шымкент қаласы, Қазыбек би көшесі, 3 үй. Ия болмаса, Агенттік төрағасына тікелей жазып жіберіңіз: alik.shpekbaev@gmail.com

Айтпақшы, жемқорлық жөнінде хабар берген адамның ақпараты расталса, сот үкім шығарған соң, 30-100 АЕК көлемінде сыйақы береді.