Алматының бас санитар дәрігері Жандарбек Бекшин кинотеатрлар қандай жағдайда жабылуы мүмкін екенін айтты, деп хабарлайды Newsroom+Ақпарат агенттігі.
"Қазақстанның бас санитар дәрігерінің 57 нөмірлі қаулысы бойынша, ереже сақталған жағдайда кинотеатрлардың қызметіне рұқсат етіледі. Егер тұрғындар онда бір рет инфекция жұқтырса, онда ол жабылмайды, бірақ дезинфекция жұмыстары күшейтіледі, ал егер инфекция жұқтыру дерегі қайталанса, онда дәл сол кинотеатр жабылады. Қалада вирус жұқтырғандар саны көбейсе, барлық кинотеатрға қатысты карантин шаралары қайта қаралады", - деді Бекшин.