Бүгін «Nur Otan» партиясы Сайрам аудандық филиалы төрағасы, Сайрам ауданының әкімі Ұласбек Сәдібекұлының төрағалығымен Саяси кеңес Бюросының отырысы өтті, деп хабарлайды Newsroom+Ақпарат агенттігі «Nur Otan» партиясы аудандық филиалының баспасөз қызметіне сілтеме жасап.
Жиналыс аудандық Саяси кеңес бюросының жаңа құрамын бекітуден басталды. Жаңа құрамды таныстыру үшін аудандық партия филиалы төрағасының бірінші орынбасары Алмас Әбдрахманұлы хабарлама жасады.
Сондай-ақ, күн тәртібінде «Nur Otan» партиясы аудандық филиалының кезектен тыс XLIII конференциясын өткізу тәртібі мен күн тәртібінің жобасын қалыптастыру мәселесі қаралды. Бюро мүшелері аудандық конференцияның күн тәртібінде қаралатын мәселелерді бір ауыздан мақұлдап, Саяси кеңес Бюросының Қаулысы қабылданды.