Біртановтың адвокаты қазақстандықтарға үндеу жасады

Экс-министр Елжан Біртанов қазақстандықтарға қолдау көрсеткендері үшін алғысын айтты. Бұл туралы адвокаты Дмитрий Куряченко мәлімдеді, деп хабарлайды Newsroom+Ақпарат агенттігі. Біртанов Елжан бүкіл Қазақстандағы әріптестеріне және қоғам қайраткерлеріне, сонымен қатар оны қиын жағдайда қолдаған жандардың барлығына шын жүректен алғыс айтады.

"Бұрынғы министр үшін қазақстандықтардың қолдауы туралы білу маңызды болды. Бұл ол үшін үлкен мәртебе", - деді Куряченко.

Айта кетейік, 3 қарашада Елжан Біртанов бюджет ақшасын жымқырды деген күдікке ілініп, қамауға алынған еді. Осыдан кейін Қазақстан дәрігерлері оны үй қамағына босату туралы хат жазды. Содан соң Біртановты қолдауға арналған петиция да басталды. Келесі кезекте Нұр-Сұлтан сотына белгілі дәрігерлер мен депутаттар кепілдеме берді. Нәтижесінде Біртанов 7 қарашада үй қамағына алынған болатын.