Қазақстанда зейнет жасын ұзарту мәселесі қарастырылмайды. Бұл ақпарат жайында премьер-министр Асқар Маминнің баспасөз қызметіндегілер айтты, деп хабарлайды
Newsroom+Ақпарат агенттігі.
Олар Маминнің берген жауабын түсіндіріп өтті.
"(...) Премьер-министрдің жауабында Қазақстанда зейнет жасын одан әрі ұзарту туралы ештеңе айтылған жоқ, өйткені мұндай мәселе бүгін күн тәртібінде тұрған жоқ", - делінген ведомство хабарламасында.
Еске салайық, қазіргі таңда Қазақстанда ерлер үшін зейнет жасы - 63, ал әйелдер үшін - 59,5 жас. Әйелдер үшін зейнеткерлік жас 2027 жылға дейін 10 жыл ішінде жыл сайын 6 айдан артады.
