Дүниежүзілік денсаулық сақтау ұйымы адамзатты жаңа пандемияға дайындалуға шақырды. 9-14 қарашада өтетін ДДСҰ-ның 73-ші сессиясында аталмыш мәселе басты тақырып болмақ. Бұл туралы ТАСС хабарлады.
«Халықаралық қауымдастық қазірден бастап жаңа пандемияға дайындалуы тиіс. Біз соңғы жылы инфрақұрылымы дамыған, медицинасы өркендеген елдердің SARS-CoV-2 вирусымен күресуде жылдам әрі тиімді әрекет еткенін көрдік», - делінген ұйымның арнайы хабарламасында.
73-сессияда денсаулық сақтау саласындағы қауырт жағдайларға жылдам әрекет етуге байланысты мәселелдер талқыланбақ. ДДСҰ-мы COVID-19-бен өзге де қауіпті вирустардың алдын алуға тиімді әрекеттерді жасақтамақ. Асхат ҚАСЕНҒАЛИ