2020 жылдың қаңтар-қыркүйек аралығында Қазақстанға 10,9 мың қандас қоныс аударған. Бұл туралы еңбек және халықты әлеуметтік қорғау министрлігінің баспасөз хатшылығы хабарлады. Қоныс аударушылардың басым бөлігі, яғни 56,9% Қытайдан, 27,7% қандас Өзбекстаннан, 9,1% қандасымыз Түркіменстаннан, 3,4% Моңғолиядан және қалған 2,9% өзге елдерден келген. Қоныс аударушылардың 53% Алматы облысында, Маңғыстау облысында 13,2%, Нұр-Сұлтан қаласына 4,1%, ал Шымкентке 3,3% қоныстанған. Қалғандары өзге аймақтарға тұрақтаған.
1991 жылдан бастап елімізге 1,068 млн этникалық қазақ қоныс аударған. Асхат ҚАСЕНҒАЛИ