Париж тұрғындары қаладан қашып жатыр

Парижде жаңа локдаун күшіне енуіне бірнеше сағат қалғанда қала тұрғындары Парижден кете бастаған. Қала жолдарында кептелістер пайда болып, дүкендер мен шаштараздарда да ұзын-сонар кезек болған, деп хабарлайды Newsroom+Ақпарат агенттігі ИноТВ сайтына сілтеме жасап. Мұның алдында Франция президенті Эммануэль Макрон коронавирус жұқтырғандар саны күрт өсуіне байланысты елде жалпыұлттық карантин енгізген болатын. Шектеулер 30 қазаннан 1 желтоқсанға дейін созылады. Енді француздарға үйден тек: - медициналық көмек алу үшін; - қажетті тауарларды сатып алу үшін; - үйден бір шақырым радиуста бір сағаттан аспайтын серуенге шығуға рұқсат етіледі.