Елжан Біртанов 526 миллион теңгені жымқырды деген күдікке ілінді

Қазақстанның бұрынғы денсаулық сақтау министрі Елжан Біртанов ақша жымқыру ісі бойынша ұсталды, деп хабарлайды Newsroom+Ақпарат агенттігі ҚазТАГ сайтына сілтеме жасап.

«Біртанов ұсталды, қазір ол елордадағы уақытша ұстау изоляторында», - делінген ақпарат көздерінде.

Денсаулық сақтау министрлігінің экс-басшысы цифрландыруға бөлінген шамамен 526 миллион теңге көлеміндегі қаражатты жымқырды деп күдіктелуде. Еске сала кетейік, 25 маусымда Қазақстан Президенті Қасым-Жомарт Тоқаев Елжан Біртановты Денсаулық сақтау министрлігінің басшысы қызметінен босатып, Алексей Цойды министр етіп тағайындады.