Сайрам: Елімізде ет тағы қымбаттауы мүмкін

Түркістан облысы Сайрам ауданына қарасты Қарабұлақ ауылындағы мал базары еліміздегі ең ірі базарлардың бірі болып саналады. Сауда орталығы бірнеше айдан бері жабық тұрғандықтан, мұнда мал сату ісі тұралап қалған. Бұл өз кезегінде ет бағасының қымбаттауына әкелуі мүмкін. Қарабұлақтағы мал базарының алдына базар ашылады деген үмітпен күн сайын ондаған саудагер жиналады. Олар жарты жылдан бері жұмыстың тоқтап, табыстан қағылғандарын айтып шағымдануда.

«Бәріміздің несиеміз бар. Әзер төлеп жатырмыз. Біз өмір бойы мал сатумен айналысып келеміз, басқа табыс көз жоқ. Ауылда не зауыт, не фабрика жоқ. Біздің базар Қазақстандағы ең ірі мал базар болып саналады, 7 мың бас малға лайықталып салынған. Жылқы, сиыр және ұсақ мал сатуға Қазақстанның басқа облыстарынан келіп жатады. Базарды жауып еді, саудагерлердің бәрі қып-қызыл шығынға батып жатыр», - дейді Қарабұлақ ауылының тұрғыны Бахадыр Мамасалиев.

Тараздық кәсіпкер Ержан Тоғысбек базардың жабылуы еттің қымбаттауына әкелуі мүмкін деген болжамын айтып отыр. Өйткені, мал бұрынғы көлемде сатылып жатқан жоқ, бағасы да жоғары. Қарабұлақтағы мал базарының иесі де шығынға баттым деп отыр. Аудан әкімдігімен келісіп, базарды ашқысы келіпті, алайда, жергілікті билік рұқсатын бермеген. Сайрам ауданы әкімінің баспасөз қызметі