Жітіқарада шамамен жүз дәрігер үйдегі карантинге жіберілді

Жітіқарадағы карантиндік стационарлардан үйдегі карантинге 94 Орталық аудандық аурухана (ОАА) қызметкері ауысты, - деп хабарлайды NewsRoom+ ақпарат агенттігінің тілшісі Tengrinews.kz сайтына сілтеме жасап.  Жітіқара ауруханасының жұқпалы аурулар бөлімінде коронавируспен 9 пациент бар, оның ішінде СОVID-19 диагнозы төртеуінде расталған, қалған бесеуі жұмыста жұқтырған. Провизорлық орталықта қазір 24 адам бақылауда жатыр. 20 сәуіде Жітіқара қаласында 15 жағдай тіркелді, олардың біреуі өліммен аяқталды. ПТР әдісімен (полимеразды тізбекті реакция) 551 адам тексерілді. Қазіргі уақытта COVID-19 Жітіқараның екі полицейінен анықталды. Олардың екеуі де коронавирус диагнозы расталған науқастарға арналған Қостанай облыстық ауруханада жатыр. Тағы 11 адам карантиндік стационарға жатқызылды. Жітіқара АІІБ-нің барлық жеке құрамы үйдегі карантинде. Қалаға эпидемияға қарсы іс-шараларға 36 миллион теңге бөлінді.