Қазақстанның цифрлық даму, инновация және аэроғарыш министрлігі бір банктегі сәтсіздік қауіпсіздіктің осалдығы ретінде қарастырылмауы керек деп санайды. Бұл туралы министр Бағдат Мусин мәлімдеді, деп хабарлайды Newsroom+Ақпарат агенттігі.
Министр бұл жеке ақпараттық жүйе екенін айтты. Министрлік өз өкілеттіктері шеңберінде дербес деректерді өңдеу және дұрыс пайдаланбау туралы нақты шағымдар болған жағдайда ғана жауап бере алады.
"Яғни ақпараттық қауіпсіздікті бұзу. Тиісінше, қазіргі уақытта бізде жеке мәліметтердің жариялануы немесе Қазақстан азаматтарына жеке деректерді теріс пайдалану бөлігінде зиян келтірілгені туралы ақпарат жоқ. Біз тиісті тексеру шараларын өткізген жоқпыз", - дейді Мусин.Мусин министрліктің ақпараттық қауіпсіздік комитеті ақпараттық ортадағы жағдайды бақылап отырғанын еске салды.
"Егер қандай да бір оқыс жағдайлар орын алса, біз оларға жауап қайтарамыз. Біз бір банктегі сәтсіздік Қазақстан заңнамасына қайшы келетін осалдық ретінде қарастырылуы керек деп санамаймыз", - деді ол.