Ердоғанның «ұят» карикатурасы салынған журнал пайда болды

Түркия мен Франция арасындағы елдік қарым-қатынастың нашарлауы күшейе түсуде, деп хабарлайды Newsroom+Ақпарат агенттігі. Француз сатиралық журналы Charlie Hebdo президент Режеп Тайып Ердоғанның карикатурасы салынған жаңа санының мұқабасын көрсетті. Журналдың бұл мұқабасы Twitter-дегі парақшада жарияланған. Түркия Президенті бір қолында сусынның ашық қалбырын ұстап, орындықта отыр. Ең сорақысы, мұқабада тек президенттің өзі ғана емес. Хиджаб киген әйелдің сұлбасы да бар. Ердоған әйелдің етегін ашып отыр. Суреттегі жазба: «Ердоған өз жеке өмірінде өте көңілді». Журналдың жаңа саны бүгін сатылымға шығады.