Ресейлік арнаның операторы Димашты "ешкі" деп атады (видео)

03 Сәуір, 2019 721 0

NewsROOM+. "Бірінші арнадағы" "Не? Қайда? Қашан?" бағдарламасын түсіру кезінде телеоператорлардың бірі танымал қазақстандық әнші Димаш Құдайбергенге тіл тигізгені видеоға түсіп қалған. Бұл туралы Спутник Қазақстан жазады.

Димаш танымал ойынның қатысушыларына арнап өзінің Mademoiselle Hyde әнін орындайды, оны композитор әрі продюсер Игорь Крутой роялмен сүйемелдейді. Осы кезде режиссер Саня деп атаған операторлардың бірі рациямен "Мына ешкі оған көлеңкесін түсіріп тұр" дейді (жазбаның 35-ші секунды).

Жұмыс процесіндегі осы дөкір сөзді естіген әншінің жанкүйерлері бұл сөз Игорь Крутойға көлеңкесін түсірген Димашқа қарата айтылды деп шулап жатыр.
"Көңілім жайланар емес. Ол бағдарламаны қайталап көрдім. Иә, Димаштың көлеңкесі Игорьге түсіп тұр. Арнаға хат жіберу керек. Оператор бұл сөзі үшін жауап берсін", - деп жазды Gulnar B2 деген қолданушы.

"Әрине, бәрі жақсы өтті. Бірақ Димашты ешкі деуге бола ма? Қызметкерлеріңізді тәрибиелеңіздер. Сіздер миллиондаған адамның кумирін түсіріп жатырсыздар", - дейді Санкт-Петербург тұрғыны.

"Ешкі дегендеріңіз үшін жауап берулеріңіз керек!!! Біздің кумирге тіл тигізу шектен шыққандық !!!" – деп ашуланды желі қолданушысы Раушан Наханова.

 



newsroom.kz сайтын NewsRoom+ андроидқа арналған мобильдік қосымшасы арқылы оқыңыз.





Тегтер: димашқұдайберген, әнші, ресей

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.