Екінші тоқсаннан бастап қай сыныптар мектепке барып оқитындығы белгілі болды

Коронавирус індетіне байланысты құзырлы органдар мектепке қатысты шешім шығарды. Бұл туралы Newsroom+Ақпарат агенттігі үкімет басшысының баспасөз қызметіне сілтеме жасап хабарлайды. Екінші тоқсаннан бастап оқушылар саны 300-ге жетпейтін қала және ауыл мектептерінің жұмысын дәстүрлі форматқа көшіру тапсырылды. Сондай-ақ ата-аналардың өтініші бойынша 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

"Санитарлық-дезинфекциялық режимді, маска режимін, шахмат ретімен отырғызу және әлеуметтік арақашықтықты міндетті түрде сақтау қажет", - деп жазылған хабарламада.

Өңірлердің әкімдері мектептер мен медицина ұйымдарында санитарлық режимді сақтау жөніндегі жұмысты жеке бақылауға алады.