Түркістан облысында «Nur Otan» партиясы праймеризі дауыс беру кезеңінің үшінші күні өтіп жатыр. Бүгін таңғы 8.00-ден бастап өңірдің 16 аудан, қаласында 209 арнайы дауыс беру орындары жұмысын бастады, деп хабарлайды Newsroom+Ақпарат агенттігі Түркістан облысының Өңірлік коммуникациялар қызметіне сілтеме жасап.
Аталған орындардың 170-інде онлайн режимде, ал 39 орында қағаз бюллетень арқылы дауыс берілмек. Онлайн дауыс берілген 2 күннің ішінде Түркістан облысы бойынша жалпы 78262 партия мүшесінің 58211-і өз таңдауларын жасап үлгерді. Қазіргі таңда арнайы әзірленген 209 орында дауыс беру жалғасуда.
Түркістан жұртшылығы таңғы 8.00-ден бастап учаскелерге келіп, белсенділігін танытып жатыр. Олардың арасында сан түрлі саланың өкілдері бар. Дауыс беруге қатысатын 78262 партия мүшесінің 68183-і (87,1%) онлайн, 10079-ы (12,3%) қағаз бюллетенмен дауыс береді. Онлайн дауыс беру орындары 600-ге жуық компьютермен қамтамасыз етілген. Жалпы өңірде праймеризге деген қызығушылық өте жоғары екені байқалған. Дауыс беру орындарында карантин талаптары сақталған. Ұйымдастыру және санақ комитеттері өз жұмыстарын жүргізуде.
Праймериз: Түркістан облысында 209 дауыс беру орны ашылды
Праймериз: Түркістан облысында 209 дауыс беру орны ашылды