Ақордада мемлекет басшысының төрағалығымен Реформалар жөніндегі жоғары кеңестің алғашқы отырысы өтті. Реформаның басты 6 жаңа қағидасы құрылды, деп хабарлайды Newsroom+ақпарат агенттігі.
Оның ішінде әлеуметтік реформа да бар.
Қасым-Жомарт Тоқаев әлеуметтік саланы дамытатын арнайы топ құрылатынын айтты. Президенттің нақты тапсырмасымен Ел мүддесі үшін мүлде жаңа құжат дайындалуда. Ол әлеуметтік кодекс.
"Шын мәнінде, бұл құжат жекелеген адам мен мемлекет арасындағы қарым-қатынасты жүйелеуге, олардың өзара міндеттемелерін айқындауға, сондай-ақ, қазақстандықтарға берілетін төменгі әлеуметтік кепілдіктерді нақтылауға арналған. Яғни, құжатта азаматтардың балабақшаға барғаннан зейнетке шыққанға дейінгі өмірі толық қамтылған", – деп мәлімдеді мемлекет басшысы.