Дінмұхамед Қонаевтың мүсіні көптің наразылығын тудыруда. "Мән бермей, құр жасай салған дүние секілді" деген пікірлер де әлеуметтік желілерде өріп жүр. Бұл туралы Newsroom+Ақпарат агенттігі хабарлайды.
Мүсінші Олжас Мұхамеди қасиетті тұлғамыздың мүсініне теріс бағасын берді:
"Тендерлер мен көтерілістерге ескерткіш! Қазақстандағы мүсіндер мен ескерткіштер туралы мәселені бұрыннан айтып келе жатырмын. Бірақ көпшшіліктің көңілінен шығатын көрінеді, ешкім үндемейді. Мүмкін президент назар аударатын шығар. Мен 60 мүсіншілер тобының атынан ұсыныс бергеніме қуанатын едім", - деген өз Facebook парақшасында."Басы кішкентей, денесі сорайған". Шынымен-ақ мүсін суретіне көз тастаған әр адам дәл осыны байқайды. Мүсін қаражаты демеушілердің қалтасынан шыққандығы да белгілі болды.
- "2020 жылдың 15 қазанында Қазақстанның мемлекет және қоғам қайраткері Дінмұхамед Қонаевтың ескерткішін орнату жөніндегі барлық тиісті құжаттар тарих және мәдениет ескерткіштерін қорғау жөніндегі облыстық комиссиямен қаралып, мақұлданды. Содан кейін барлық тиісті құжаттар Нұр-сұлтан қаласына Қазақстан Республикасының монументалды өнердің жаңа құрылыстарын орнату жөніндегі мемлекеттік комиссиясының қарауына жіберілді", - деп мәлімдеді Алматы облысының мәдениет, архивтер және құжаттама басқармасы.