«Үркер-2020» байқауына «Шерхан Мұртаза атындағы номинация» қосылды

«Үркер-2020» байқауына өтінімдер әлі де қабылданып жатыр. Баспа, радио, интернет-журналистика саласындағы үздіктерді анықтайтын жобаның марапаттау рәсімі онлайн түрде 13-ші қарашада өтпек. Жеңімпаздарды отандық және шетелдік белді журналистер анықтайды. Айта кететін жайт, биыл байқаудың 10 аталымының қатарына «Шерхан Мұртаза атындағы номинация» қосылды, деп хабарлайды Newsroom+Ақпарат агенттігі. «Шерхан Мұртаза ағамыздың номинациясында публицистикалық материалдар таңдалады. Ол қазақтың елін, ауылын жақсы көркем тілмен оқырманға жеткізетіндей мақалалар болса деген үміт артамыз», - дейді ҚР Ақпарат және қоғамдық даму вице-министрі Кемелбек Ойшыбаев.