Қайнарбұлақ ауылдық округі, Қасымбек Датқа ауылының тұрғындары Сайрам ауданының әкіміУласбек Садибеков
ке ішкі көшелерге кіріп шығу жолдарын кеңейтіп беру туралы өтініштерін жеткізді.Қасымбек Датқа ауылы "Шымкент-Құтарыс-Түйетас" облыстық маңызы бар жол болғандықтан бұл мәселеден хабардар екенін айтқан аудан басшысы Сайрам ауданы әкімінің орынбасары А.Өсербаевтың атынан Түркістан облысының жолаушылар көлігі және автомобиль жолдары басқармасына ұсыныс жолданғанын мәлімдеді.
Сондай-ақ, бүгінгі аудан әкімінің онлайн-қабылдауына Қарабұлақ ауылының тұрғындары келді. Тұрғындар шаруа қожалығына арналған жерге заңсыз құрылыс жүргізген кәсіпкер У.Халжалиловтың әрекетіне байланысты әділ сот өтуін сұрайды.
Айта кетейік, 1,86 га жер теліміне заңсыз құрылыс жүргізген У.А.Халжалиловтың жеріне қатысты дау Түркістан облыстық сотының азаматтық және әкімшілік істері жөніндегі аппеляциялық сотында қаралуда.
Сайрам ауданы әкімінің баспасөз қызметі