ӨЗЕКТІ МӘСЕЛЕЛЕРДІ ШЕШУ ЖОЛДАРЫ АУДАН БАСШЫСЫНЫҢ НАЗАРЫНДА

2020 жылдың 28 қыркүйек күні «Azattyq ruhy.kz» ақпараттық сайтында «Әкімдік түк бітірмейді», «Сайрам ауданындағы бүтін бір ауыл 3 жылдан бері жарыққа жарымай келеді» атты материал бойынша «Оңтүстік жарық транзит» ЖШС-ның Сайрам ауданындағы электр жүйелері мекемесінің бас инженері Р.Қоблановтың және Көлкент ауылдық округі әкімі аппараты қызметкерлерінің қатысуымен Көлкент ауылдық округі, Қосбұлақ ауылының Пахтазарибдар, С.Рақымов көшесінің тұрғындарымен карантин кезіндегі санитарлық талаптарды сақтай отырып, электр жарығы мәселесі туралы кездесу өткізілді. Кездесу барысында тиісті мамандардың қатысуымен электр жарығы мәселесі жан-жақты қаралды. Нәтижесінде ауыл тұрғындарының қажеттілігі бойынша электр трансформаторын қою мәселесі «Оңтүстік жарық транзит» ЖШС-ның Сайрам ауданындағы электр жүйелері мекемесі тарапынан «Инвест» бағдарламасы арқылы шешу жолдары қарастырылды.