Жаяу әскердің әскери көлігі Қырғызстандағы "Ала-Арча" мемлекеттік резиденциясының қоршауын абайсызда қағып кетті, деп хабарлайды Newsroom+Ақпарат агенттігі tengrinews.kz сайтына сілтеме жасап.
Видеоны Азиз Пиримкулов есімді Facebook қолданушысы жариялады. Оның айтуынша, механик машинист жылдамдық пен бағытты дұрыс есептемей, шығыс қақпадағы қоршауды қағып кеткен.
24.kg мәліметінше, "Ала-Арча" мемлекеттік резиденциясында 10 қазан сағат 12:00-де парламент отырысы болады деп жоспарланған. Отырыс әлі басталмаған және депутаттар да жиын қайда және сағат қаншада болатынынан бейхабар.
Сондай-ақ басылым мәліметінше, Бішкектегі Шу даңғылында әскери техника мен арнайы машиналар жиналып жатыр. Ала-Тоо алаңына кіреберісте кем дегенде он бронетранспортер мен әскери КамАЗ, бронды автомобиль және бірнеше күзет көлігі жиналған.
Бүгін жергілікті уақыт бойынша сағат 20.00-де Бішкекте төтенше жағдай режимі енгізіледі. Полицейлер мен әскерилер қаланы күзетеді. Кешкі сегізден кейін үйден шығағу тыйым салынды. Одан бөлек, іс-шараларға да тыйым салынған.
https://www.facebook.com/100002447458053/videos/3338214902936725/
Әскери көлік Қырғызстан президенті резиденциясының қоршауын қағып кетті
Әскери көлік Қырғызстан президенті резиденциясының қоршауын қағып кетті