Зейнетақы қорындағы ақшамен кредит төлеуге бола ма?

Үйді ипотекаға алсаңыз, сол қарызды зейнетақы қорынан төлеуге болады, деп хабарлайды Newsroom+Ақпарат агенттігі.

"Әрине, болады. Үй ипотекаға алынады. Оны төлеу үшін зейнетақы қорын пайдалануға әбден болады",-деді министр.

Министрдің айтуынша, екінші толқын басталып, қатаң карантин енсе әлеуметтік көмек беріледі.

"Денсаулық сақтау министрі Алексей Цой эпидемиологиялық жағдайға қатысты бірнеше сценарий ұсынғанын білесіздер. Егер сол сценарийлердің біреуі орын алып жатса, үкімет тарапынан экономиканы, бизнесті, халықты қолдау шаралары қабылданады", – деді Нұрымбетов.