Назарбаев президенттікке не үшін Тоқаевты ұсынғанын мәлімдеді

Нұрсұлтан Назарбаев Қасым-Жомарт Тоқаевты мемлекет басшысы қып не себепті ұсынғанын айтты. Бұл туралы Қазақстанның тұңғыш президенті "Абай аманаты" мақаласында жазды, деп хабарлайды Newsroom+Ақпарат агенттігі. Нұрсұлтан Назарбаев өз өкілеттілігін тоқтатпас бұрын, ел басқаратын адамды ұзақ зерттеп, тәжірибесіне зер салғанын айтты.

"Қасым-Жомарт Тоқаевтың адал әрі жауапкершілігі жоғары азамат екенін есепке алмағанда, оның елдегі ішкі жағдайды саралап қана қоймай, шығыстың да, батыстың да тілдерін меңгергендігін, Біріккен ұлттар ұйымы бас хатшысының орынбасары қызметін атқарғанын, әлемдік саясаттағы Қазақстанның орнын байыптай алатын дипломаттық қырын да ескердім. Сондай-ақ, өзім айрықша мән беріп келе жатқан ел бірлігі мәселесі мен адамзаттық құндылықтарды үйлестіру қабілетіне сенім арттым", – деді Назарбаев.