Бекшин қауесетке жауап берді: Алматының карантинге жабылатыны рас па?

Алматының бас санитар дәрігері Жандарбек Бекшин қазан айында Алматының карантинге жабылатыны туралы қауесетке жауап берді, деп хабарлайды Newsroom+Ақпарат агенттігі.

"Мұның барлығы фейктердің таралуы. Бұл процеске қатысқым келмейді. Қаланы жабу болжанбайды. Бізде өсім немесе жаңа штамм туралы хабарлайтын эпидемиологиялық бақылау қызметі бар. Біз жеткілікті түрде қадағалап жатырмыз", - деді ол.

Айта кетейік, мұның алдында Бекшин Алматыдағы жағдайды тұрақты деп айтқан болатын.