Экономикалық тергеу департаментінің екі қызметкері 5 миллион теңге парамен ұсталды

БҚО бойынша экономикалық тергеу департаментінің екі қызметкері 5 млн теңге парамен ұсталды, деп хабарлайды Newsroom+Ақпарат агенттігі ҚазАқпарат порталына сілтеме жасап. БҚО бойынша сыбайлас жемқорлыққа қарсы қызмет мәлім еткеніндей, аталған департаменттің аға тергеушісі мен жедел уәкіліне қатысты тергеу басталды. Олар 1 қазан күні басқа органның өндірісіндегі қылмыстық істі қысқартуға ықпал етемін деп, Т. деген адамның сеніміне кіріп сеніміне кіріп, алдау жолымен 5 млн теңгесін иемденген. БҚО бойынша экономикалық тергеу департаментінің қызметкерлері ҚР Қылмыстық іс жүргізу кодексінің 128-бабына сәйкес ұсталып, Орал қаласы полиция басқармасының уақытша оқшаулау изоляторына қамалды.