АҚШ президенті Дональд Трамп пен әйелі Мелания Трамп коронавирус жұқтырды. Бұл жайында Америка президенті
Twitter парақшасында мәлімдеді, деп хабарлайды
Newsroom+Ақпарат агенттігі
Sputnik Қазақстанға сілтеме жасап.
"Бүгін Мелания Трамп екеуміздің коронавирус инфекциясына тапсырған сынақ оң нәтиже көрсетті. Біз карантинге шығып, қалыпқа келе бастаймыз. Біз бұл кезеңнен бірге өтеміз!"- деп жазды Дональд Трамп.
Бұған дейін АҚШ президентінің кеңесшісі Хоуп Хикстің коронавирус жұқтырғанын жазды. Кейін жары екеуінің сынақ нәтижесін күтіп отырғанын хабарлады. Айта кетсек, 2020 жылдың 3 қарашасында АҚШ-та президент сайлауы өтеді. 78 жастағы Трампның басты қарсыласы АҚШ-тың бұрынғы вице-президенті Джо Байден.
29 қыркүйекте Дональд Трамп пен Джо Байден алғашқы теледебат өткізген еді. Олар медицинадағы реформаны, коронавирус пандемиясын, жоғары соттың жаңа судьясын тағайындау, нәсілшілдік тақырыбын талқылады.
