Республикалық «QAZBILIM» орталығының директоры, білім саласында өзінің ойын ашық айтып, қоғамда белсенді азамат ретінде танылған Аятжан Ахметжанұлы жаңа қызметке басшы болып келді, деп хабарлайды Newsroom+Ақпарат агенттігі. Әлеуметтік желіде Аятжан Ахметжанұлының Нұр-Сұлтан қаласындағы №51 мектеп-гимназиясына директор болып тағайындалғаны туралы сүйінші жаңалық жария болысымен, редакция тілшісі Аятжан Ахметжанұлының өзіне хабарласты. Ол аталған қызметке директордың міндетін атқарушы болып келгенін мәлімдеді. 