"ҚазАвтоЖол" ҰҚ АҚ өкілдері тасжолдағы жөндеу жұмыстары аяқталған соң жүргізушілер Алматыдан Нұр-Сұлтанға қанша уақытта жете алатынын айтты, - деп хабарлайды Tengrinews.kz тілшісіне Newsroom+Ақпарат агенттігі сілтеме жасап.
"ҚазАвтоЖол" мәліметінше, қазіргі уақытта жолдың бірнеше учаскесінде құрылыс жұмыстары жүріп жатыр.
"Қазір барлық жерде жөндеу жұмыстары жүріп жатыр. Жоспар бойынша Күрті - Бурылбайтал - Балқаш тасжолының бөлігін жөндеу жұмыстары 2022 жылы аяқталады. Бұл учаске осы кезеңде пайдалануға беріледі деген сөз. Осы кезеңде онда қозғалысқа кедергі келтірмейтін белгілер орнатылуы мүмкін", - деді "ҚазАвтоЖол" басқарма төрағасы Ұлан Әліпов.Оның айтуынша, барлық құрылыс және жөндеу жұмысы аяқталғаннан кейін Алматыдан Нұр-Сұлтанға дейінгі жол айтарлықтай қысқарады.
"Қазақстанда сағатына 120 шақырым жылдамдық сақтау туралы шектеу бар. Ал Алматы мен Нұр-Сұлтан арасындағы жол шамамен 1200 шақырым. Демек максимал рұқсат етілген жылдамдықта 10 сағатта жетуге болады. Бірақ бұл жүргізуші жолда тоқтамай және жылдамдықты азайтпайтынын ескерген жағдайда", - дейді Әліпов.