Баян Алагөзова кімді министр етіп тағайындау керектігін айтты

22 Ақпан, 2019 4070 1

“Жаңа премьердің орнында болсам, жұмысқа табысты бизнесмендерді, өзінің кәсібін құрып үлгерген жаңа форматтағы адамдарды шақырар едім. Шенеуніктерді емес, басқарушыларды, өндірістің не екенін түсінетін адамдарды шақыратын едім”, – дейді Баян Мақсатқызы.

Продюсер біз пайдаланатын күнделікті тұрмыстағы заттардың зауыт пен фабрикадан шығатынын еске салды.

“Ал оларды кәсіпкерлер басқарады. Олар өндіріске нақты қанша қаражат керек екенін біледі. Бізге өндіріс керек, ал ол жерде жаңа жұмыс орындары ашылады. Шетелдік өндірушілерге салықты арттыру керек. Сол кезде біздікілер бәсекеге қабілетті бола алады. Бұл онсыз да түсінікті нәрсе.

Мен жаңа үкіметті, жаңа басқарушыларды, білімі мен тәжірибесі мықты мамандарды күтемін. Олар табысты бизнес құра алды. Ендеше неге соны мемлекет аясында жүзеге асыра алмасын? Жиналыстардың емес, нақты әрекеттердің уақыты келген шығар?! Тек болашақты емес, бүгінгі күнді де ойлау керек шығар?! Біздегі барлық бағдарламалар болашаққа арналған. Ал біз бүгін бақытты болғымыз келеді”, – дейді Баян Алагөзова. 

Дерек көзі : stan.kz

Тегтер: үкімет, отставка, баян, алагөзова, продюсер

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.

ФАЙЗИРА 22 Ақпан, 2019

Келісемін