59 жастағы механизатор картоп жинайтын комбайнның астына түсті
59 жастағы механизатор картоп жинайтын комбайнның астына түсті
Павлодар облысында 59 жастағы механизатор картоп жинайтын комбайнның астына түсті. Бұл туралы Newsroom+Ақпарат агенттігі өңірдегі полиция департаментінің баспасөз қызметіне сілтеме жасап хабарлайды.
Жазатайым оқиға 13 қыркүйек, жексенбі күні Ақсу ауданы Еңбек ауылының маңындағы суармалы алқапта болған. "Картоп жинайтын комбайнмен жұмыс істеп жүрген 59 жастағы ер адам абайсызда техниканың астына түсіп кетті", - делінген Павлодар облысы полиция департаментінің хабарламасында.Ер адам түрлі жарақатпен Ақсу қаласының ауруханасына жеткізілді. Бұл факті бойынша сот-медициналық сараптама тағайындалды.