Ирандық компания Түркістан облысында фармацевтикалық зауыт салады

18 Ақпан, 2019 2198 0

Түркістан облысының әкімі Жансейіт Түймебаев Иран елінің инвесторлармен кездесті. Өңірімізге арнайы жұмыс сапарымен келген мәртебелі меймандар ТМД елдері арасындағы сапарын Қазақстаннан бастап отыр. Компанияның маңызды және бірегей ерекшеліктерінің бірі - зерттеуге инвестиция салу, сондай-ақ кадрларды дайындаудағы тұрақты ұмтылыс. Фармацевтика саласында бәсекелестерінің алдын орап үлгерген компания 54 түрлі дәрі-дәрмек шығарады. Сапалы өнімдер еуропа нарығына жөнелтілуде. Инвестор арасындағы негізгі дәнекерші белгілі филантроп, профессор Оралбек Ботбай басқаратын - «Source Energy» компаниясы.
Бүгінгі күні қызметкерлердің 30 пайызы докторлық, магистратура және фармакология саласындағы мамандар болып табылады. Олар ғылыми-зерттеу, дамыту және сапаны бақылаумен айналысады. Niak фармацевтикалық компаниясы соңғы GMP стандарттарына сәйкес №2 зауытты дамытуды жоспарлап отыр. 

«Мен Сіздердің бұл бастамаларыңызды толық қолдаймын. Маңызды қадам жасалып жатқандығы анық. Сондықтан жұмысқа еш алаңсыз кірісулеріңізге болады. Сіздер үшін индустриялдық аймақты дайындаймыз. Еуропалық одақтың нарығына шығудың да тиімді тұстарын атап кетуге болады. Қазақстан, Ресей, Беларусия, Қырғызстан және Арменияға өндірілген дәрілерді еш кедергісіз жеткізесіздер. Бұл шамамен 200 млн халыққа жол тартады деген сөз. Экономикалық аймақ ретінде өзімізде де жеңілдіктер қарастырылған. Кеден бекеттерінен қиындықтар болмайды. Сондықтан белсенді түрде білек түре іске кірісуге шақырамын. Бюрократия болмас үшін мен өзім қадағалаймын», — деді Ж.Түймебаев.


Өз кезегінде, Иран инвесторлары аймақ басшысына ризашылығын білдірді. Кездесуде екі жақты мемарандумға қол қойылды. Мәртебелі меймандар Түркістанмен сауда-экономикалық байланыстарының одан әрі нығаюына ниетті екенін жеткізді.

Түркістан облысы әкімінің баспасөз қызметі


Тегтер: компания, фармацевтика, инвестор, дәрі, экономика, өнім

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.