ҚР Ішкі істер министрінің кеңесшісі әрі ресми өкіл-баспасөз хатшысы тағайындалды

18 Ақпан, 2019 2099 1

ҚР Ішкі істер министрінің кеңесшісі әрі ресми өкіл-баспасөз хатшысы тағайындалды. Бұл қызметке Нұрділдә Ораз келді, деп хабарлайды ҚазАқпарат тілшісі.  

Нұрділдә Серікұлы 1981 жылы дүниеге келген. Әл-Фараби атындағы Қазақ ұлттық университетін, ҚР ІІМ Қарағанды академиясын бітірген.  

Еңбек жолын Алматыдағы «ЮСА» телеарнасының тілшісі болып бастаған. «31 арна» телеарнасы «Информбюро» жаңалықтар бөлімінің жүргізушісі,  «Астана» телеарнасының редактор-жүргізушісі, репортер-сарапшысы, «Қазақстан» ұлттық арнасының жаңалықтар жүргізушісі, «Апта.kz» бағдарламасының жүргізуші-редакторы болған.  

2007 жылы ішкі істер органына ауысып, Астана қалалық Ішкі істер департаменті баспасөз қызметінің бастығы, мемлекеттік тіл және ақпарат бөлімінің бастығы, департамент бастығының баспасөз хатшысы  қызметтерін атқарды.  ҚР Ішкі істер министрлігі Мемлекеттік тіл және ақпарат департаментінің директоры-министрдің баспасөз хатшысы, кейіннен ресми өкілі, ҚР Бас прокуратурасы Аппарат басшысының орынбасары, «ОРТ-Еуразия» телеарнасы бас директорының орынбасары болды.  

Айта кетерлігі, бүгін министрлікте жаңа тағайындалған кеңесші әрі Ішкі істер министрлігінің ресми өкілі - баспасөз хатшысын таныстырған ведомство басшысы Ерлан Тұрғымбаев оған БАҚ-пен жұмысты үйлестіру әрі ұйымдастыруда жемісті еңбек тіледі.    

newsroom.kz сілтейді


Тегтер: министр, баспасөз, хатшы, ресми, кеңесші, басшы

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.

Райхан 18 Ақпан, 2019

Жақсы сайт екен. Тек алға!