Үндістанда бір күнде коронавирусты 96,5 мың адам жұқтырды, деп хабарлайды
Newsroom+Ақпарат агенттігі.
Өткен тәулікте Үндістанда 96,5 мыңнан астам адам коронавирусты жұқтырған. Осы індеттен 1000-нан астам науқас қайтыс болды.
Қазіргі таңда Үндістанда Covid-19 індетін жұқтырғандар саны 4,5 млн-нан асты. Науқастардың 77%-ы індеттен жазылып шыққан.
Әлем бойынша коронавирусқа ең көп шалдыққандар АҚШ-тан кейін осы Үндістанда тіркелген. Бірақ жергілікті билік экономиканы қайта қалпына келтіру мақсатында елдегі шектеу шараларын жеңілдете бастаған.
