Ақтауда 35 жастағы ер адам 13 жастағы қызға интим сипаттағы сурет жіберуге мәжбүрлеген

Ақтауда 13 жастағы қызды интим суреттерін жариялаймын деп бопсалаған ер адам ұсталды, - деп хабарлайды Newsroom+Ақпарат агенттігі Ішкі істер министрлігінің баспасөз қызметіне сілтеме жасап.

"Ақтауда "ВКонтакте" әлеуметтік желісінде 13 жастағы қызбен хат алмасып, оны интим сипаттағы сурет жіберуге мәжбүрлеген 35 жастағы ер адам ұсталды. Хат алмасу кезінде ол кәмелетке толмаған қызды жалаңаш суретін жіберуге көндірген, кейін қосымша фотолар жібермеген жағдайда оны әлеуметтік желілерде таратамын деп қорқытқан", - делінген хабарламада.