Атырауда 10 миллиард теңгеге "Сергек" видеобақылау жүйесі орнатылды

10 қыркүйектен бастап Атырауда "Сергек" видеобақылау жүйесі іске қосылады, - деп хабарлайды Newsroom+Ақпарат агенттігі  "Ақ Жайық" сайтына сілтеме жасап. Атыраудағы "Сергекті" орнатуға облыстық мәслихат депутаттары 2019 жылдың сәуір айында бірауыздан дауыс бергені айтылады. Жоба 10 миллиард теңгеге бағаланған. Оны іске асыру сол жылдың жазында басталды, жұмыстарды 2020 жылдың наурызында аяқтау жоспарланған болатын.

"Атырауда барлығы 2748 камера орнатылған - жол қиылыстары мен желілік учаскелерінде 204 кешен (1224 камера), 774 жалпы бақылау камерасы және 750 біріктірілген бұрылыс камерасы. "Сергек" жүйесі сауда орталықтарында және адамдар көп жиналатын басқа жерлерде бейнебақылау камераларымен біріктірілді", - деп жазады басылым.