Кәмелеттік жасқа толмағандарға қатысты жыныстық сипаттағы қылмыстар туралы бас прокурордың орынбасары Ахметжанов мәлімдеді, деп хабарлайды Newsroom+Ақпарат агенттігі.
"Биыл балаларға қатысты жыныстық сипаттағы қылмыстар 8 процентке өсіп отыр. Оның өзіндік себептері бар. Мысалы, кәмелеттік жасқа толмаған бір баланы зорлау бойынша 60 қылмыстық іс қозғалған", – деді Ахметжанов орталық коммуникациялар қызметінде өткен онлайн брифингте.
"Сотқа дейінгі тергеу органдары әрбір жыныстық қатынасты бөлек эпизод ретінде қарастырып, қылмыстық істер қозғаған болатын. Одан кейін барлығын бір өндіріске қосты. Кінәлі адам сотталып, 25 жылға бас бостандығынан айырылды", – деді Ахметжанов.Естеріңізге сала кетейік, Сәтбаев қаласында орын алған жантүршігерлік оқиғадан кейін де педофилдер азаяр емес.