Еуразиялық экономикалық комиссия Қазақстанның Ресейге металл сынықтарын жеткізуде кедергілер жасағанын айтып, Мәскеудің шағымын қарады. Бұған дейін Қазақстан Ресейге жыл сайын 1 млн тонна металл сынықтарын жеткізіп келген.
2020 жылдың қаңтарынан бастап мамырға дейін Ресейге 300 мың тонна металл сынығын саудалаған. РБК-ның мәліметінше мамыр айында металл сынықтарын жеткізу үш есеге төмендесе, маусым айынан бастап тіпті тоқтап қалған.
Аталмыш мәселе ЕЭК шешімі бойынша ЕЭО-қа мүше елдердің басқосуында талқыланбақ. Басқосудың қашан өтетіні, қос ел арасындағы келіссөздер қашан басталатыны белгісіз.
Асхат ҚАСЕНҒАЛИ