Зүлфия Чиншанло халықаралық жарыста күміс медаль алды

Ауыр атлетикадан Қазақстан командасының өкілі Зүлфия Чиншанло Өзбекстан Республикасы тәуелсіздігінің 29 жылдығына орайластырылған ауыр атлетикадан халықаралық кубокта күміс медаль жеңіп алды. Қазақстандық спортшы қатысқан Халықаралық кубок онлайн режимінде өткізілген алғашқы турнир болды, деп хабарлайды Newsroom+Ақпарат агенттігі Қазақстан Ұлттық олимпиада комитетінің сайтына жасап.

"Чиншанло 55 килограмға дейінгі салмақ дәрежесінде сынға түсті. Қоссайыс қорытындысы бойынша ол 200 (85 + 115) килограмм көтерді", - делінген ҰОК хабарламасында.

205 (95 + 110) килограмм көтерген турнир қожайыны, Өзбекстан спортшысы Муаттар Нәбиева бірінші орынды иеленді. Польшадан келген ауыр атлет Йонна Лочовска үшінші орынды қанағат тұтты. Оның нәтижесі – 185 (80 + 105) килограмм. Айта кетейік, Чиншанло 2012 жылы Олимпиада чемпионы болған кезде, қоссайыс қорытындысы бойынша 226 (95 + 131) килограмм көтерген болатын. Кейін допинг қолданғаны үшін алтын медалінен айырылды.