Шұғыл қоңырау: телефон ұрыларынан сақ болыңыз

24 Қаңтар, 2019 873 0

Астана қаласының полиция қызметкерлері ұялы телефондарды ұрлауға бағытталған алаяқтық жағдайларының жиілеп кеткені туралы азаматтарды ескертеді, деп хабарлайды Baq.kz.

Алаяқтардың жиі қолданатын "шұғыл қоңырау шалу" туралы өтініші алаяқтық тәсілдердің ішінде кең тараған түрі.

Қаланың үш тұрғыны көшеде келе жатқан белгісіз адамдар қоңырау шаламын дегенді сылтауратып, олардың ұялы телефондарын иемденіп кеткені және белгісіз бағытта жасырынып кеткені туралы полицияға арызданды.

Осылайша, полицияға көшесі бойында өтіп бара жатқан ер адамның ұялы телефонын сұрағаны туралы азамат арызданды. Қолына телефонды алғаннан кейін, сол сәтті пайдаланып, ер адам жасырынып кеткен. Жедел-іздестіру іс-шараларын өткізу кезінде полиция қызметкерлері күдіктіні ұстады.

Алаяқтық фактісі бойынша сотқа дейінгі тергеп-тексеру жүргізілуде. Ұялы телефон иесіне қайтарылды.

Егер де сізден телефоныңызды сұраған жағдайда мұқият болыңыз. Өтіп бара жатқан адамға көмектескіңіз келсе, телефонды бейтаныс адамның қолына әсіресе қараңғы тәулікте бермей, нөмірді өзіңіз теріңіз. Алаяқтардан сақ болыңыз.

Сізге және сіздің жақындарыңызға қатысты құқыққа қайшы әрекеттер жасалған жағдайда тез арада Астана қаласы ПД жүгініңіз (Бейбітшілік көшесі 19) немесе 8 (7172) 71-65-50 немесе 102 телефонына қоңырау шалыңыз.


Дереккөз: Zakon.kz 

Тегтер: алаяқ, телефон, қоңырау, бұзақы, Астана

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.