Алматыда үш адам күзетшіні қанжоса қылып сабап кетті

21 Қаңтар, 2019 631 0

Алматыда букмекерлік кеңсені тонамақ болған үш ер адам күзетшіні аяусыз соққыға жығып кетті, деп хабарлайды ҚазАқпарат тілшісі.

Аталған видео бүгін Фейсбук желісінде таралды. 

Қанды оқиға 20 қаңтарда Абай мен Саин көшелерінің қиылысындағы Пари-Матч» букмекерлік кеңсесінде болған. 

Бейнекадрда мекемеге бетперде киген үшеу кірген. Үшеуінің бірі бөлменің түпкі бөліміне қарай кіріп кетсе, екеуі алаңсыз телефон көріп отырған  күзетшіні дубинкамен ұра жөнелген. 

Видео ұзақтығы 7 минутқа созылады. Осы уақыт аралығында екі қылмыскер күзетшіні басынан, басқа да жерлерінен ұрған. Олардың қолында дубинка немесе балғаға ұқсас зат болған. 

Қалалық полиция аталған оқиғаға байланысты түсініктеме берді. 

«Бұл дерек бойынша Әуезов аудандық полиция басқармасы ҚР ҚК 192-бабының 2-бөлімімен сотқа дейінгі тергеу ісі реестріне тіркелді. Арнайы жедел тергеу тобы құрылды. Қазір қылмысты әшкерелеуге бағытталған кешенді шаралар жүргізіліп жатыр», - деді қалалық ПД баспасөз қызметінен.


Тегтер: букмекер, контор, Алматы, оқиға, ұру, бұзақылық, тонау, ІІМ

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.