Қазақстанда доллар арзандай бастады

Қазақстанның биржа қорының таңертеңгі доллар бағамы 427 теңгені құрады, деп хабарлайды Stan.kz. Kase.kz мәліметіне сәйкес, АҚШ валютасы 3,72 теңгеге арзандады. Евро бағамы 474 теңгені құраса, ресейлік рубль 5,8 теңгеге орнығыпты. Шымкент қаласында доллар 428-429 теңгеге сатылуда екен. Алматы мен Нұр-Сұлтанда 30 наурыз бен 30 сәуір аралығында төтенше жағдайдың күшейтілуіне байланысты ақша айырбастау пунктерінің жұмысы тоқтатылыпты. Атап кетерлік жайт, Лондондағы ICE биржа сатылымынан кейін мұнай бағамы 4,4%-ға өскен, яғни бір баррель  32,85 долларға дейін бағалануда. Ал WTI фьючерсі 6,8%-ға көтеріліп, 24,31 долларға табан тіреген.