Қазақстан 12 қыркүйектен бастап Мысырға ұшатын рейстерді қалпына келтіруді жоспарлап отыр. Рейс Алматыдан Шарм-эль-Шейхке орындалады, - деп хабарлайды Newsroom+Ақпарат агенттігі ҚР Азаматтық авиация комитетіне сілтеме жасап.
Ведомствоаралық комиссияның 2020 жылғы 11 тамыздағы шешіміне сәйкес, 17 тамыздан бастап Қазақстанда халықаралық рейстер біртіндеп қалпына келтірілді. Тізімде аптасына 23 рейс жасайтын алты бағытты төрт мемлекет бар:
- 17 тамыздан бастап БАӘ (11 рейс):Алматы - Дубай (6 рейс) және Нур-Султан - Дубай (5 рейс);
- 18 тамыздан бастап Германия (5 рейс): Нур-Султан - Франкфурт (5 рейс);
- 19 тамыздан бастап Беларусь (4 рейс): Алматы - Минск (2 рейс) және Нур-Султан - Минск (2 рейс) ;
- 19 тамыздан бастап Украина (3 рейс): Алматы - Киев (3 рейс).
Мысырға рейстер 2020 жылдың 12 қыркүйегінен бастап Алматы - Шарм-эль-Шейх бағыты бойынша қайта басталады.
Рейстер көлік бойынша бас санитарлық дәрігердің бұйрығына сәйкес санитарлық қауіпсіздіктің жоғарылауы жағдайында жүзеге асырылады. Еліміздің барлық әуежайларында зарарсыздандыру жұмыстары күшейтілді, санитарлық тазартқыштар орнатылды және карантиндік шаралар сақталды (маскалар мен қолғаптарды міндетті түрде кию).
12 қыркүйектен бастап Қазақстан-Мысыр рейстері ашыла бастайды
12 қыркүйектен бастап Қазақстан-Мысыр рейстері ашыла бастайды